Cezar
Mi volas esti
via papilio
Mi volas esti via papilio,
lasu min danci sur vi.
Ho, amato, karulo,
lasu min danci sur
via alloga korpo.
Lasu min flirti ĉe vi,
ĉe via impertinenta buŝo,
ĉe viaj bluaj okuloj,
sur via nazopinto,
sur via amorilo...
Ho, amato, karulo,
lasu min danci sur vi.
Mi volas esti via papilio.
Flirti al vi mi volus.
Surflugi vin mi volus.
Sur vi danci mi volus.
Kaj zigzagi sur vi mi volus,
ĝis mi svenus sur vi,
tion mi volus.
Forflugi mi volus.
Kaj reveni mi volus.
Fuĝi denove mi volus.
Ke vi kaptas min, mi volus,
ke vi ĉasas min, tion mi volus!
Vidu al mi, mi revenas jam al vi.
Mi jam dancas sur vi.
Mi jam krias sur vi.
Hura! Amato! Hura!
Nun jam vere sur vi.
Mia amo freneza,
knabo mia, amorulo,
karulo, frenezulo,
volupta knabo.
Mia kara amato.
Kaptu min!
Prenu min!
Vi! Oh!
Ho, vi!
Mi volas esti via papilio.
Lasu min flugi sur vian korpon.
Lasu min danci sur vi.
Ho, dolĉulo, karulo mia,
mia amo freneza.
Lasu min danci sur vi,
sur viaj glataj vangoj,
sur via bela nazo,
sur via dolĉa buŝo,
sur viaj ruĝaj lipoj,
sur via raŭka lango...
sur via langopinto.
Ho jes, ah, jes.
Haaaaa, jes.
Lasu min danci sur vi,
sur via pinta lango,
huuuummm...
sur via langopinto...
hmmmm, kara...
mi krias, aaaaaaah,
mi krias, hooo, vi!
Bele! Bele!
Jes! Faru!
Hmm,
humm...
Mi volas esti via papilio.
Vidu, mi dancas sur vi.
Mi tuj mortos sur vi.
Ho, mia amo freneza,
petola knabo, vi dolĉas,
mi tuj mortos, jes...
dolĉe mortos...
sur vi.