Cezar
Soveta karikaturo
-La Ĝenerala Sekretario-
Arbaro de fontoplumoj,
globokrajonoj kaj krajonoj,
tenataj kiel flagostangoj
de dense starantaj
larĝvizaĝaj
aŭ magraj viroj
en nigraj kostumoj
kun nigraj krajonoj
blankaj ĉemizoj
kaj grandaj kvarangulaj okulvitroj,
tenantaj en brusta alto
grandajn afiŝojn
kun surskriboj kiel
direktivoj
instrukcioj § 1
kaj tiel plu.
Antaŭ la grandaj afiŝoj staras
elstarante el potenca baraĵo
de gigantaj nigraj
kaj blankaj krajonpintoj
tre kompakta
en nigra kostumo
kaj blanka ĉemizo,
kun militeca brakgesto,
la harpintojn
salutante tuŝante,
larĝvizaĝa
kaj kun kompakta mentono,
- morne optimisme rigardante
al nevidebla estonteco -
la elstara prezidanto,
la tiom ŝatata kaj
ĉiuflanke adorata
ŝtatestro: Lia Moŝto,
la Ĝenerala Sekretario.
PS: Ĉar bedaŭrinde mi ne plu havas la originan karikaturon, mi devas uzi alian.