Cezar

Al ribelulino

Mi kovras vin en niaj fridaj tagoj,
en laŭta bru'.
En trista nokt', se vi pro multaj plagoj
ne dormas plu.

Mi helpas vin, se homoj vin forlasas
ĉe ĉiu vent'.
Mi gardas vin, se hommalam' amasas
pro fia sent'.

Mi portas vin, se ĉiuj jam vin ĉasas,
ho vi, cervin'.
Se ili serĉas vin, stratetojn pasas
kun murdinklin'.

Mi savos vin, mi devas eĉ ne ĵuri,
laŭ la bezon' kun tuta fort'.
De via rev' vi devos ne forkuri.
Jen mia vort'!